អ៊ីតាលី ៖ តាមប្រភពព័ត៌មាន CNN បានឱ្យដឹងថា រដ្ឋមន្ត្រីក្រសួងសុខាភិបាលអ៊ីតាលី បាននិយាយថា ម៉ាស់នឹងត្រូវពាក់នៅគ្រប់ទីកន្លែងតាមទីសាធារណៈ ក្នុងប្រទេសអ៊ីតាលី។
រដ្ឋមន្ត្រីក្រសួងសុខាភិបាល លោក Roberto Speranza បានប្រាប់សភាជាន់ទាបរបស់ប្រទេសថា ការពាក់ម៉ាសគឺចាំបាច់ដើម្បីប្រយុទ្ធប្រឆាំងនឹងការកើនឡើងនូវករណីឆ្លងជំងឺកូវីដ១៩។
ប្រធានក្រុមប្រឹក្សារដ្ឋមន្ត្រីរំពឹងថា នឹងប្រកាសក្រឹត្យនេះនៅថ្ងៃពុធ បន្ទាប់ពីវាត្រូវបានពិភាក្សាដោយគណៈរដ្ឋមន្ត្រី ហើយវិធានការណ៍នេះនឹងចូលជាធរមាននៅថ្ងៃសុក្រ។
តំបន់នៅអ៊ីតាលីជាច្រើន នាពេលកន្លងមក បានសម្រេចឱ្យការពាក់ម៉ាស់គឺជាការអនុវត្តចាំបាច់ តែមិនដែលបានអនុវត្តលក្ខណៈទូទាំងប្រទេសទេ។
លោករដ្ឋមន្ត្រី បានមានប្រសាសន៍ថា៖ «ប្រទេសអ៊ីតាលីរួមជាមួយប្រទេសអាល្លឺម៉ង់គឺជាប្រទេស ដែលសហគមន៍អឺរ៉ុបកំពុងធ្វើឱ្យរលកទី២ ប្រសើរឡើង តែយើងត្រូវតែប្រុងប្រយ័ត្នជានិច្ច»៕ ដកស្រង់ចេញពីវេបសាយ ៖ cnn
ចែករំលែកព័តមាននេះ