រដ្ឋាភិបាលអាមេរិកនឹងផ្តល់ហិរញ្ញប្បទានសរុប៦៦,២លានដុល្លារបន្ថែមដល់កម្ពុជា សម្រាប់ការអនុវត្តកម្មវិធីអភិវឌ្ឍវិស័យធំៗចំនួន៤ មានសុខភាពសាធារណៈ អប់រំ កសិកម្ម និងបរិស្ថាន។ ក្នុងនោះហិរញ្ញប្បទានជាង៤៣លានដុល្លារ សម្រាប់វិស័យសុខភាពសាធារណៈ និងអប់រំ ។…
រដ្ឋាភិបាលអាមេរិកនឹងផ្តល់ហិរញ្ញប្បទានសរុប៦៦,២លានដុល្លារបន្ថែមដល់កម្ពុជា សម្រាប់ការអនុវត្តកម្មវិធីអភិវឌ្ឍវិស័យធំៗចំនួន៤ មានសុខភាពសាធារណៈ អប់រំ កសិកម្ម និងបរិស្ថាន។ ក្នុងនោះហិរញ្ញប្បទានជាង៤៣លានដុល្លារ សម្រាប់វិស័យសុខភាពសាធារណៈ និងអប់រំ ។ ចំនួនជិត២៣លានដុល្លារ លើកម្មវិធីអភិវឌ្ឍវិស័យកសិកម្ម និងបរិសា្ថន។
លោក ជិន ប៊ុនស៊ាន ទេសរដ្ឋមន្ត្រីទទួលបន្ទុកបេសសកម្មពិសេស និងជាអនុប្រធានក្រុមប្រឹក្សាអភិវឌ្ឍកម្ពុជា ជាមួយលោកស្រី Veena Reddy នាយិកាទីភ្នាក់ងារសហរដ្ឋអាមេរិកសម្រាប់ការអភិវឌ្ឍ(USAID) បានចុះកិច្ចព្រមព្រៀងគ្នារវាងកាលពីថ្ងៃទី៨ធ្នូ ឆ្នាំ២០២០នេះ។ នេះបើយោងតាមសេចក្តីប្រកាសព័ត៌មានរួមលើ«ការបន្ថែមហិរញ្ញប្បទានកិច្ចព្រមព្រៀងវិសោធនកម្មស្តីពី ហិរញ្ញប្បទានសហប្រតិបត្តិការអភិវឌ្ឍរវាងរាជរដ្ឋាភិបាលកម្ពុជា និងរដ្ឋាភិបាលអាមេរិក» ដែលប្រកាសដោយក្រុមប្រឹក្សាអភិវឌ្ឍន៍កម្ពុជា។
ក្នុងសេក្តីប្រកាសព័ត៌មានបានបញ្ជាក់ថា ក្នុងឆ្នាំ២០២០នេះ រដ្ឋាភិបាលអាមេរិកបានផ្តល់ហិរញ្ញប្បទានប្រមាណ ១២៨,៧លានដុល្លារ ក្នុងការរួមចំណែកអភិវឌ្ឍកម្ពុជា។ គិតចាប់ឆ្នាំ១៩៩២ មកដល់ឆ្នាំ២០១៩ កម្ពុជាទទួលហិរញ្ញប្បទានឥតសំណងពីអាមេរិកប្រមាណ១,៥ពាន់ដុល្លារ ស្មើនឹងជាង៦%នៃទំហំហិរញ្ញប្បទានសរុបដែលផ្តល់ដោយដៃគូអភិវឌ្ឍទាំងអស់៕
ចែករំលែកព័តមាននេះ