ខេត្តកំពង់ស្ពឺ ៖ បន្ទាប់ពីទទួលបានដំណឹងដ៏ក្រៀមក្រំស្តីពីហេតុការណ៍គ្រោះថ្នាក់ចរាចរណ៍របស់កម្មការិនីដែលមានអ្នកខ្លះស្លាប់ និងរងរបួសធ្ងន់ស្រាលរួចមក អភិបាលខេត្តកំពង់ស្ពឺ ឯកឧត្តម វ៉ី សំណាង បានឆ្លៀតពេលដ៏មមាញឹកក្នុងការងាចុះទៅសាកសួរសុខទុក្ខកម្មការិនីដែលកំពុងសម្រាកព្យាបាលនៅមន្ទីរពេទ្យបង្អែកស្រុក និងមន្ទីរពេទ្យខេត្តផងដែរ។…
ខេត្តកំពង់ស្ពឺ ៖ បន្ទាប់ពីទទួលបានដំណឹងដ៏ក្រៀមក្រំស្តីពីហេតុការណ៍គ្រោះថ្នាក់ចរាចរណ៍របស់កម្មការិនីដែលមានអ្នកខ្លះស្លាប់ និងរងរបួសធ្ងន់ស្រាលរួចមក អភិបាលខេត្តកំពង់ស្ពឺ ឯកឧត្តម វ៉ី សំណាង បានឆ្លៀតពេលដ៏មមាញឹកក្នុងការងាចុះទៅសាកសួរសុខទុក្ខកម្មការិនីដែលកំពុងសម្រាកព្យាបាលនៅមន្ទីរពេទ្យបង្អែកស្រុក និងមន្ទីរពេទ្យខេត្តផងដែរ។ ការចុះសួរសុខទុក្ខនេះប្រព្រឹត្តនៅព្រឹកថ្ងៃទី៨ ធ្នូ ២០១៧ ដល់កម្មការិនីដែលជួបគ្រោះថ្នាក់ចរាចណ៍ចំនួន៥៣នាក់ នៅមន្ទីរពេទ្យខេត្ត និងមន្ទីរពេទ្យស្រុកគងពិសីដែលរួមដំណើរដោយលោក ឱ វ៉ាន់ថេន ប្រធានមន្ទីរសុខាភិបាល លោក ចឹក បូរិន ប្រធានមន្ទីរការងារខេត្ត និងលោក ចែម ភឺនរីមវុទ្ធី អភិបាលស្រុកគងពិសី លោក ងាក់ ប៊ុនធី អភិបាលស្រុកបរសេដ្ឋ ព្រមទាំងមន្ត្រីជាច្រើនរូបទៀត។ ក្នុងឱកាសនោះដែរលោកអភិបាលខេត្តក៏បាននាំយកនូវការសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលសម្តេចតែងតែយកចិត្តទុកដាក់ពីសុខទុក្ខរបស់បងប្អូនកម្មការិនីគ្រប់ពេលវេលា។
ជាងនេះទៅទៀតក្នុងនាមលោកជាអភិបាលខេត្តក៏សូមចូលរួមរំលែកទុក្ខចំពោះបងប្អូនទាំងអស់គ្នាក្នុងគ្រាជួបនូវហេតុការអាក្រក់នេះផងដែរ។ ចំពោះអ្នកស្លាប់ម្នាក់ និងអ្នករងរបួសធ្ងន់ស្រាល ជាង៥០នាក់ ឯកឧត្តមបានឧបត្ថម្ភថវិកាដល់អ្នករបួសធ្ងន់ម្នាក់ៗ ១០ម៉ឺនរៀល និងអ្នករបួសស្រាលម្នាក់ៗ៥ម៉ឺនរៀល។ លោក ចឹក បូរិន្ទ បានបញ្ជាក់ប្រាប់ផងដែរថា ចំពោះកម្មការិនីទាំងអស់សុទ្ធសឹងជាអ្នករស់នៅក្នុងស្រុកបរសេដ្ឋ ហើយបម្រើការងារនៅរោងចក្រវីនីដ្រាហ្គន ស្ថិតក្នុងភូមិដូនកែវ ឃុំសែនដី ស្រុកសំរោងទង ខេត្តកំពង់ស្ពឺ។ អ្នកស្លាប់ក្នុងហេតុការណ៍នេះមានឈ្មោះ ផាត់ ចន្ធូ អត្តលេខ ២៨៨៩ អ្នកដេរម៉ាស៊ីនកុំព្យូទ័រ ឆ្នាំកំណើត ១៩-០១-១៩៨៨ រស់នៅភូមិក្អែកលេងឃុំ-ស្រុកបរសេដ្ឋខេត្តកំពង់ស្ពឺ ដោយឡែកជាង៥០នាក់ទៀត មន្ត្រីកំពុងស្រង់ឈ្មោះ និងទីលំនៅ។
សូមរំលឹកថាគ្រោះដ្នាក់ចរាចរណ៍មួយបានកើតឡើង នៅព្រឹកថ្ងៃទី០៨ ធ្នូ ២០១៧ វេលាម៉ោង៦និង២០នាទីព្រឹក នៅលើផ្លូវជាតិលេខ៤១ ចន្លោះគីឡូម៉ែត្រលេខ២៦-២៧ ត្រង់ចំណុចភូមិអណ្ដូងច្រុះ ឃុំស្នំក្រពើ ស្រុកគងពិសី ខេត្តកំពង់ស្ពឺ។ មានរថយន្ដដឹកកម្មករ ០១គ្រឿងម៉ាកហ៊ីយ៉ាន់ដាយ ពណ៌សឆ្នូត ខៀវ ពាក់ស្លាកលេខភ្នំពេញ2AG-5411 មិនទាន់ស្គាល់ឈ្មោះ និងអាសយដ្ឋានអ្នកបើកបរ បើកបរមកពីទិសខាងត្បូងទៅទិសខាងជើង លុះបើកបរទៅដល់ត្រង់ចំណុចដូចខាងលើ បានទៅប៉ះរថយន្ដ១គ្រឿងម៉ាកKIA ពណ៌ត្រីអ៊ី ពាក់ស្លាកលេខ ខេមរភូមិន្ទ1. 3-5637 មិនទាន់ស្គាល់ឈ្មោះ និងអាសយដ្ឋានអ្នកបើកបរ ដែលកំពុងតែបើកបរបញ្ច្រាសទិសគ្នា បណ្ដាលឱ្យប៉ះគ្នាបែកកង់ បង្កគ្រោះថ្នាក់ស្លាប់ និងរបួសសរុប ៥៣នាក់៕
ចែករំលែកព័តមាននេះ