ស្វីស៖តាមប្រភពព័ត៌មាន CNN បានឱ្យដឹងថា មន្ត្រីសុខាភិបាលប្រទេសស្វីស បាននិយាយកាលពីថ្ងៃអង្គារ៍ថា ប្រទេសស្វីសមានហានិភ័យនៃការខ្វះគ្រែមន្ទីរពេទ្យ និង បន្ទប់ ICU ក្នុងប៉ុន្មានសប្តាហ៍ខាងមុខនេះ…
ស្វីស៖តាមប្រភពព័ត៌មាន CNN បានឱ្យដឹងថា មន្ត្រីសុខាភិបាលប្រទេសស្វីស បាននិយាយកាលពីថ្ងៃអង្គារ៍ថា ប្រទេសស្វីសមានហានិភ័យនៃការខ្វះគ្រែមន្ទីរពេទ្យ និង បន្ទប់ ICU ក្នុងប៉ុន្មានសប្តាហ៍ខាងមុខនេះ ដោយសារចំនួននៃការឆ្លងមេរោគវីរុសនេះកើនឡើងនៅក្នុងប្រទេស។
លោក Andreas Stettbacher ប្រតិភូទទួលបន្ទុកផ្នែកវេជ្ជសាស្ត្រសម្របសម្រួលជាក្រុមផ្តល់ប្រឹក្សាខាងវិទ្យាសាស្ត្ររបស់រដ្ឋាភិបាល បានព្រមាននៅក្នុងសន្និសីទកាសែតមួយថា ប្រសិនបើការកើនឡើងនៃករណីនៅតែបន្ត មន្ទីរពេទ្យនឹងត្រូវពេញក្នុងរយៈពេល ១៥ ថ្ងៃ។
នៅក្នុងសន្និសីទដដែលនេះប្រធានក្រុមការងារជាតិស្វ៊ីសកូវីដ១៩ របស់ប្រទេសស្វីស លោក Martin Ackermann បានមានប្រសាសន៍ថា៖ “យើងមិនមានពេលវេលាយូរទៀតទេ។” ដោយព្រមានថា មន្ទីរពេទ្យបានជិតពេញហើយ។ លោក Ackermann ក៏បាននិយាយផងដែរថា មិនមានការចង្អុលបង្ហាញសម្រាប់ក្រុមការងារដែលថាជំងឺរាតត្បាតកំពុងថយចុះនៅក្នុងប្រទេសស្វីស។
លោក Ackermann បានមានប្រសាសន៍ថា៖ “សព្វថ្ងៃនេះប្រទេសស្វីសមានការសម្រាកព្យាបាលនៅមន្ទីរពេទ្យ និងការបាត់បង់ជីវិតច្រើនជាងពាក់កណ្តាលខែមីនា ហើយចំនួនកំពុងតែកើនឡើង។”
កាលពីថ្ងៃចន្ទ រដ្ឋមន្ត្រីក្រសួងសុខាភិបាលលោក Alain Berset បានប្រកាសថា រដ្ឋាភិបាលស្វ៊ីសគ្រោងនឹងប្រកាសពីវិធានការតឹងរ៉ឹងនៃជំងឺឆ្លងមេរោគនេះនៅថ្ងៃពុធ ដើម្បីគ្រប់គ្រងការរីករាលដាល៕
ចែករំលែកព័តមាននេះ