ថៃ ៖ តាមប្រភពព័ត៌មាន Bangkok Post បានឱ្យដឹងថា ស្ត្រីម្នាក់បានឡើងលើពិដានកម្ពស់ ៣ម៉ែត្រ ក្នុងគុកនៅឯស្ថានីយប៉ូលិស បន្ទាប់ពីត្រូវបានចាប់ខ្លួនពីបទកាន់កាប់អាវុធ…
ថៃ ៖ តាមប្រភពព័ត៌មាន Bangkok Post បានឱ្យដឹងថា ស្ត្រីម្នាក់បានឡើងលើពិដានកម្ពស់ ៣ម៉ែត្រ ក្នុងគុកនៅឯស្ថានីយប៉ូលិស បន្ទាប់ពីត្រូវបានចាប់ខ្លួនពីបទកាន់កាប់អាវុធ និងគ្រាប់កាំភ្លើងខុសច្បាប់ នៅមុខស្ថានីយកាលពីព្រឹកថ្ងៃព្រហស្បតិ៍។
ស្ថានីយទូរទស្សន៍ប៉ូលិសបានរាយការណ៍ថា ស្ត្រីឈ្មោះ Ploypatcha Sukpansila អាយុ ៣៧ ឆ្នាំ បានឡើងលើរនាំងលើពិដាននៅក្នុងគុកនៅឯស្ថានីយប៉ូលិស Sutthisan ក្នុងស្រុក Din Daeng។ យោងតាមរូបថតគេពុំឃើញពិដានមានប្រហោងឡើងទៅខាងលើទៀតនោះទេ។
នាងឈរនៅលើរនាំងគុកខាងលើ ប្រហែល ៣០នាទី ខណៈប៉ូលិសព្យាយាមធ្វើឱ្យនាងស្ងប់។ ទីបំផុតប៉ូលិសបានឡើងទៅខាងលើ ហើយយកនាងចុះមកក្រោម។ នាងបានបដិសេធមិននិយាយជាមួយអ្នកសួរចម្លើយ។ ប៉ូលិសបាននិយាយថា នាងទៅជាបែបនេះ ដោយសារតែភាពតានតឹង។
ស្ត្រីរូបនេះ ត្រូវបានចាប់ខ្លួនខណៈពេលកំពុងអង្គុយលើកៅអីតៃកុងក្នុងរថយន្តរបស់ខ្លួន នៅមុខប៉ុស្តិ៍ប៉ូលិស Sutthisan នៅប្រហែលម៉ោង ៤ព្រឹក។ ប៉ូលីសត្រូវបានគេជូនដំណឹងអំពីរថយន្តដែលសង្ស័យនៅខាងមុខស្ថានីយ។
ពួកគេបានរកឃើញកាំភ្លើងខ្លីចំនួន១ដើម គ្រាប់ចំនួន ៦គ្រាប់ និងស្រោមកាំភ្លើងនៅលើកៅអីខាងក្រោយ។ នាងត្រូវបានចោទប្រកាន់ពីបទកាន់កាប់អាវុធដោយគ្មានច្បាប់ត្រឹមត្រូវ និងកាន់កាំភ្លើងនិងគ្រាប់កាំភ្លើងនៅកន្លែងសាធារណៈដោយគ្មានការអនុញ្ញាត៕ ដកស្រង់ចេញពីវេបសាយ ៖ bangkokpost
ចែករំលែកព័តមាននេះ