អាមេរិក ៖ តាមប្រភពព័ត៌មាន CNN បានឱ្យដឹងថា ខណៈពេលដែលស្ត្រីមានផ្ទៃពោះជាទូទៅមានរោគសញ្ញានៃជំងឺកូវីដស្រាល ពួកគេអាចបន្តកើតមានបានរយៈពេល ២ខែ ឬច្រើនជាងនេះចំពោះស្ត្រីម្នាក់ក្នុងចំណោម ៤នាក់។…
អាមេរិក ៖ តាមប្រភពព័ត៌មាន CNN បានឱ្យដឹងថា ខណៈពេលដែលស្ត្រីមានផ្ទៃពោះជាទូទៅមានរោគសញ្ញានៃជំងឺកូវីដស្រាល ពួកគេអាចបន្តកើតមានបានរយៈពេល ២ខែ ឬច្រើនជាងនេះចំពោះស្ត្រីម្នាក់ក្នុងចំណោម ៤នាក់។ នេះបើយោងតាមការស្រាវជ្រាវដែលត្រូវបានចេញផ្សាយនៅក្នុងទស្សនាវដ្តីសម្ភពនិងរោគស្ត្រី។
ក្រុមអ្នកស្រាវជ្រាវមកពីសាកលវិទ្យាល័យ California San Francisco and UCLA បានពិនិត្យមើលស្ត្រីចំនួន ៥៩៤នាក់ នៅទូទាំងសហរដ្ឋអាមេរិក ដែលបានធ្វើតេស្តវិជ្ជមានចំពោះជម្ងឺកូវីដពេលមានផ្ទៃពោះ។ ពួកគេបានរកឃើញថា ៤០% នៃស្ត្រី នៅតែមានរោគសញ្ញានៅសប្តាហ៍ទី៤ ហើយ ២៥% មានរោគសញ្ញារយៈពេល ៨សប្តាហ៍ឬយូរជាងនេះ។
រោគសញ្ញាទូទៅបំផុតក្នុងចំនោមស្ត្រីគឺក្អក ឈឺបំពង់ក ឈឺខ្លួន និងគ្រុនក្តៅ ហើយរោគសញ្ញាកើតមានច្រើនបំផុតក្នុងរយៈពេល ៣សប្តាហ៍ដំបូង។ រយៈពេលជាមធ្យមនៃរោគសញ្ញាគឺ ៣៧ថ្ងៃ។ ភាគច្រើននៃអ្នកចូលរួម ៩៥% មិនត្រូវបានបញ្ជូនទៅមន្ទីរពេទ្យទេ។
អ្នកចូលរួមត្រូវបានចុះឈ្មោះក្នុងការសិក្សានៅចន្លោះថ្ងៃទី២២ ខែមីនាដល់ថ្ងៃទី១០ ខែកក្កដាឆ្នាំនេះ។ ស្ត្រីជាងពាក់កណ្តាលបានទាក់ទងជាមួយអ្នកដែលបានធ្វើតេស្តវិជ្ជមានចំពោះកូវីដ ឬមានរោគសញ្ញា។ ស្ត្រីប្រមាណ ៣០% ជាបុគ្គលិកថែទាំសុខភាព និង ៦០% ជាជនជាតិស្បែកស។
អ្នកស្រាវជ្រាវបានទទួលស្គាល់ថា ការរកឃើញរបស់ពួកគេ ប្រហែលជាមិនមានលក្ខណៈទូទៅចំពោះប្រជាជនមួយចំនួនធំទេ។ ពួកគេបានកត់សម្គាល់ថា ភាពអាចរកបាន ពេលវេលា និងភាពត្រឹមត្រូវនៃការធ្វើតេស្ត មានការជះឥទ្ធិពលដល់លទ្ធផល៕
ចែករំលែកព័តមាននេះ