បន្ទាយមានជ័យ ៖ ពលរដ្ឋកម្ពុជាបានកំពុងទទួលគ្រោះផ្ទួនៗ គឺជំងឺកូវីដ១៩មិនទាន់ ចប់ផង បើជាមកជួបគ្រោះធម្មជាតិ។ នៅក្នុងពេលចុះជួបពលរដ្ឋរងគ្រោះដោយទឹកជំនន់នៅខេត្តបន្ទាប់មានជ័យ ព្រឹកថ្ងៃទី២១តុលានេះ សម្តេចតេជោ ហ៊ុន សែន នាយករដ្ឋមន្រ្តី បានបន្តអំពាវនាវដល់ពលរដ្ឋកុំភ្លេចវិធានការការពារជំងឺកូវីដ១៩ ដោយត្រូវរក្សាគម្លាត ពាក់ម៉ាស និងឧស្សាហ៍លាងសម្អាតដៃ ដោយសាប៊ូ និងអាកុល។
សម្តេចបានស្នើដល់មន្រ្តីឲ្យលើកកម្ពសសុខភាពពលរដ្ឋនៅពេលទឹកជំនន់នេះ និងក្រោយពេកទឹកស្រកទៅ ជាពិសេសគឺលើកកម្ពស់ការទទួលទានទឹកស្អាត។ សម្តេចបានស្នើឲ្យអាជ្ញាធរប្រើប្រាស់ថវិកាដែលសម្តេចបានទម្លាក់ឲ្យទិញទឹកបរិសុទ្ធចែកពលរដ្ឋបានទទួលទាន ជាប្រចំា។
ជាទូទៅនៅពេលមានទឹកជំនន់ហើយការទទួលទានទឹកមិនស្អាត ចំណីអាហារខ្វះអនាម័យពលរដ្ឋអាចប្រឈមជំងឺរាគរួសជាដើម។
ចំណែកករណីជំងឺកូវីដ១៩វិញ នៅព្រឹកថ្ងៃទី២១តុលានេះក្រសួងសុខាភិបាលបានប្រកាសពីការរកឃើញអ្នកកើតជំងឺនេះថ្មីម្នាក់ទៀតលើជនជាតិប៉ឡូញ។ ដូច្នេះចំនួនអ្នកកើតជំងឺកូវីដ១៩ នៅកម្ពុជា មាន២៨៦នាក់។ កំពុងសម្រាកព្យាបាលនៅមន្ទីរពេទ្យ មាន៦នាក់ ជាសះស្បើយចំនួន ២៨០នាក់៕
ចែករំលែកព័តមាននេះ