លោក កឹម សុខា ឈានដល់ធ្វើសកម្មភាពសង្គម! តើលោកអាចធ្វើនយោបាយឆាប់ៗនេះវិញឬទេ?
រាជធានីភ្នំពេញ៖ ថ្ងៃទី២៨កញ្ញានេះ លោក កឹម សុខា អ្នកនយោបាយដែលតុលាការ ហាមមិនឲ្យធ្វើសកម្មភាពនយោបាយ ថ្មីៗនេះបានចុះយកអង្ករ អាវភ្លៀងនិងស្បៀង និងសម្ភារៈមួយចំនួនទៀត…
រាជធានីភ្នំពេញ៖ ថ្ងៃទី២៨កញ្ញានេះ លោក កឹម សុខា អ្នកនយោបាយដែលតុលាការ ហាមមិនឲ្យធ្វើសកម្មភាពនយោបាយ ថ្មីៗនេះបានចុះយកអង្ករ អាវភ្លៀងនិងស្បៀង និងសម្ភារៈមួយចំនួនទៀត…
រាជធានីភ្នំពេញ៖ ថ្ងៃទី២៨កញ្ញានេះ លោក កឹម សុខា អ្នកនយោបាយដែលតុលាការ ហាមមិនឲ្យធ្វើសកម្មភាពនយោបាយ ថ្មីៗនេះបានចុះយកអង្ករ អាវភ្លៀងនិងស្បៀង និងសម្ភារៈមួយចំនួនទៀត ចែកជូនប្រជាពលរដ្ឋក្រីក្រ រងគ្រោះដោយទឹកជំនន់ នៅខេត្តព្រះសីហនុ។
សកម្មភាពនៅលើទឹកដីជាប់សមុទ្ររបស់អ្នកនយោបាយដែលកំពុងជាប់ចោទពីទោសក្បត់ជាតិនៅតុលាការនៅខេត្តព្រះសីហនុនៅថ្ងៃទី ២៨ ខែកញ្ញា នេះគឺមួយថ្ងៃបន្ទាប់ពីលោកបានចុះទៅដល់ខេត្តពោធិ៍សាត់ ក្នុងសកម្មភាពដូចគ្នានេះ ។ លោក កឹម សុខ បានបញ្ជាក់ថាអ្វីដែលលោកធ្វើនោះជា «សទ្ធា» នៅក្នុងការជួយពលរដ្ឋ។
លោកបញ្ជាក់ថា «ជាការរំលែកទុក្ខលំបាក និងការខ្វះខាតខ្លះៗ ដែលខ្ញុំតែងតែចូលរួមដោយសុទ្ធចិត្តទោះតិចតួចក្តី។ ជាមួយគ្នានេះដែរ ខ្ញុំក៏មិនភ្លេចនូវសទ្ធាក្នុងព្រះពុទ្ធសាសនា ដោយបានប្រគេនទេយ្យទានដល់ព្រះសង្ឃផងដែរ» ។
លោកកឹម សុខា ត្រូវបានតុលាការកំហិតពីសកម្មភាពនិងការធ្វើដំណើរដោយសារលោកស្ថិតនៅក្នុងការចោទប្រកាន់សំណុំរឿងក្បត់ជាតិ ដែលតុលាការកំពុងដំណើរនីតិវិធី។ ប៉ុន្តែរយៈពេលចុងក្រោយនេះ លោកហាក់បង្ហាញសកម្មភាពជាសាធារណច្រើន។
ពីដំបូងលោកបានទទួលជួបអ្នកការទូតនានានៅគេហដ្ឋានរបស់លោក។ បន្ទាប់មកលោកបានធ្វើដំណើរចេញពីផ្ទះ ចុះខេត្តនានា ជួបជាមួយអ្នកគំាទ្រ និងធ្វើសកម្មភាពក្នុងកិច្ចការសាសនា ដូចជាចូលរួមបុណ្យភ្ជុំបិណ្ឌ ជាដើម។ នៅពេលនេះទៀតលោកធ្វើសកម្មភាពមនុស្សធម៌ ចែកអំណោយដល់ប្រជាពលរដ្ឋដែលរងគ្រោះដោយជំនន់ទឹកភ្លៀង។
អ្នកឃ្លំាមើលសង្គមបានចោទសួរថាតើលោក កឹម សុខាអាចនឹងវិលទៅរកសកម្មភាពនយោបាយវិញក្នុងពេលឆាប់ៗនេះឬយ៉ាងណា។ ស្របពេលមានជម្ឈដ្ឋានខ្លះចង់ឃើញលោកកឹម សុខា មានសេរីភាពធ្វើនយោបាយឡើយវិញក្នុងពេលឆាប់ៗនេះ។ ប៉ុន្តែខាងរដ្ឋាភិបាលធ្លាប់បញ្ជាក់ថា ដំណើររឿងក្តីរបស់លោក កឹម សុខា នៅតុលាការ អាចប្រើពេលវេលាយូរឆ្នាំ។ មានការលើកឡើងខ្លះទៀតថានេះជាករណីនយោបាយ ជួនកាលអាចមានការប្រែប្រួលឆាប់ រហ័យ គ្មាននណាអាចស្មានត្រូវនោះទេ៕
ចែករំលែកព័តមាននេះ