ខេតកំពង់ឆ្នាំង ៖ បុរសម្នាក់បានស្លាប់ភ្លាមៗនៅនឹងកន្លែងបន្ទាប់ពីបានបើកម៉ូតូក្នុងល្បឿនលឿនទៅបុកគោយន្តដឹកឈើពីក្រោយពេញមួយទំហឹងជាប់ម៉ូតូនឹងគោយន្ត ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦នឹង៥នាទី ថ្ងៃទី២៨ ខែវិច្ឆិកា ឆ្នាំ២០១៧ នៅលើកំណាត់ផ្លូវជាតិលេខ៥ ត្រង់ចន្លោះបង្គោលគីឡូម៉ែត្រលេខ៨១…
ខេតកំពង់ឆ្នាំង ៖ បុរសម្នាក់បានស្លាប់ភ្លាមៗនៅនឹងកន្លែងបន្ទាប់ពីបានបើកម៉ូតូក្នុងល្បឿនលឿនទៅបុកគោយន្តដឹកឈើពីក្រោយពេញមួយទំហឹងជាប់ម៉ូតូនឹងគោយន្ត ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦នឹង៥នាទី ថ្ងៃទី២៨ ខែវិច្ឆិកា ឆ្នាំ២០១៧ នៅលើកំណាត់ផ្លូវជាតិលេខ៥ ត្រង់ចន្លោះបង្គោលគីឡូម៉ែត្រលេខ៨១ និង៨២ ដែលស្ថិតក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង ។
សមត្ថកិច្ចមូលដ្ឋានបានឱ្យដឹងថា ជនរងគ្រោះមានឈ្មោះ ម៉ែន ស៊ីណាត អាយុប្រមាណជាង៣០ឆ្នាំ មានទីលំនៅភូមិត្រោកកើត ឃុំស្រែថ្មី ស្រុករលាប្អៀរ ។ មុនពេលកើតហេតុជនរងគ្រោះបានជិះម៉ូតូហុងដាសេ១២៥ពាក់ស្លាកលេខ កំពងឆ្នាំង ១B-៤៤៩៩ តាមបណ្តោយពីជើងទៅត្បូងលុះមកដល់ចំណុចកើតហេតុបានជ្រុលទៅបុកគោយន្តកន្ត្រៃដឹកអុសពីក្រោយបណ្តាលឱ្យស្លាបក្រោយពេលកើតហេតុប្រមាណ១០នាទី ។
ក្រោយពេលកើតហេតុសមត្ថកិច្ចបានចុះទៅវាស់វែង និងបានប្រគល់សពជនរងគ្រោះជូនក្រុមគ្រួសារធ្វើបុណ្យតាមប្រពៃណី ចំណែកម៉ូតូ និងគោយន្តត្រូវបានសមត្ថកិច្ចយករក្សាទុករង់ចាំការដោះស្រាយតាមផ្លូវច្បាប់ ។ ដោយឡែកអ្នកបើកគោយន្តបានរត់គេចខ្លួនបាត់ ៕
ចែករំលែកព័តមាននេះ