ខេត្តបន្ទាយមានជ័យ ៖ នៅល្ងាចថ្ងៃទី៩ កុម្ភៈ ឆ្នាំ២០១៨នេះ មានជនបរទេសម្នាក់មិនទាន់ស្គាល់អត្តសញ្ញាណ ដើរដួលតាមដងផ្លូវ និងសង្ស័យមានជំងឺ ត្រូវបាននគរបាលអន្តោប្រវេសន៍មាត់ច្រកទ្វារអន្តរជាតិប៉ោយប៉ែតជួយសង្គ្រោះ ដោយចាប់ដាក់រថយន្ត…
ខេត្តបន្ទាយមានជ័យ ៖ នៅល្ងាចថ្ងៃទី៩ កុម្ភៈ ឆ្នាំ២០១៨នេះ មានជនបរទេសម្នាក់មិនទាន់ស្គាល់អត្តសញ្ញាណ ដើរដួលតាមដងផ្លូវ និងសង្ស័យមានជំងឺ ត្រូវបាននគរបាលអន្តោប្រវេសន៍មាត់ច្រកទ្វារអន្តរជាតិប៉ោយប៉ែតជួយសង្គ្រោះ ដោយចាប់ដាក់រថយន្ត បើទោះជាមិនចង់ ទៅតាមការអង្វរដើម្បីយកទៅងូតទឹកឲ្យ និងរកថ្នាំពេទ្យលាបដំបៅដែល កើតមានស្ទើរសុះសាច់ចំណុចដៃ និងជើង។
មុនពេលសមត្ថកិច្ចយកតាមរថយន្ត ជនបរទេសរូបនេះដើរដួលតាមដងផ្លូវ នៅម្ដុំកាស៊ីណូ ហើយអ្នកស្រុកតាមមើល ព្រោងព្រាត ខណៈស្ត្រីម្នាក់ដោយសារអាណិតឃើញជនបរទេសរូបនេះគ្មាន ស្បែកជើងពាក់ នាងដោះពីជើងឲ្យតែម្តង ក្នុងនោះថែមទាំងជូនប្រាក់ចំនួន២០០បាត(ប្រាក់ថៃ)ថែមទៀត។ សមត្ថកិច្ចប្រាប់ថា មិនអាចសាកសួរជនជាតិខាងលើបាននៅឡើយទេ ព្រោះហាក់នៅនិយាយមិនដឹងអី និងមិនទាន់ដឹងថា ចូលមកកម្ពុជាតាមច្រកអន្តរជាតិណា ហើយពុំមានឯកសារអ្វីជាប់ខ្លួនថែមទៀត៕
https://youtu.be/AK20qBXK5Bw
ចែករំលែកព័តមាននេះ