ខេត្តរតនគិរី ៖ នៅមន្ទីពេទ្យបង្អែកខេត្តរតនគិរីមានស្ត្រីសម្រាលកូនធ្លាក់ឈាម រហូតដល់ស្លាប់ម្នាក់ទៀត ហើយក្រោយពេលដឹកបញ្ជូនមកដល់មន្ទីពេទ្យបង្អែកខេត្តកន្លះម៉ោង ។ ហេតុការណ៍ស្រី្តសម្រាលកូនស្លាប់នេះបានកើតឡើងនៅវេលាយប់រំលងអធ្រាត្រថ្ងៃទី២២ ឈានចូលទី២៣ ខែកុម្ភៈ ឆ្នាំ២០១៨…
ខេត្តរតនគិរី ៖ នៅមន្ទីពេទ្យបង្អែកខេត្តរតនគិរីមានស្ត្រីសម្រាលកូនធ្លាក់ឈាម រហូតដល់ស្លាប់ម្នាក់ទៀត ហើយក្រោយពេលដឹកបញ្ជូនមកដល់មន្ទីពេទ្យបង្អែកខេត្តកន្លះម៉ោង ។ ហេតុការណ៍ស្រី្តសម្រាលកូនស្លាប់នេះបានកើតឡើងនៅវេលាយប់រំលងអធ្រាត្រថ្ងៃទី២២ ឈានចូលទី២៣ ខែកុម្ភៈ ឆ្នាំ២០១៨ ។
តាមប្រភពបានឲ្យដឹងថា ស្ត្រីរងគ្រោះស្លាប់នៅក្រោយពេលសម្រាលបានកូនភ្លោះ២នាក់ ហើយស្ត្រីដែលគេអះអាងថា ជាជនជាតិឡាវបានស្លាប់នៅថ្ងៃទី២៣ ខែកុម្ភៈ ឆ្នាំ២០១៨នេះតែម្តង បន្ទាប់ពីដឹកបញ្ជូនមកពីមណ្ឌលសុខភាពវរៈជ័យ នៅក្នុងភូមិវើនសៃ ឃុំវើនសៃ ស្រុកវើនសៃ ខេត្តរតនគិរី ។
លោក ទឺ នូថង អធិការនគរបាលស្រុកវើនសៃបានប្រាប់ថា ជនរងគ្រោះដែលសម្រាលកូន ហើយស្លាប់ឈ្មោះ ចាន់ នី អាយុ៣៦ឆ្នាំ ជនជាតិឡាវ មានទីលំនៅភូមិតាឡាត ឃុំសេសាន ស្រុកសេសាន ខេត្តស្ទឹងត្រែង ជាប់ព្រំប្រទល់ខេត្តរតនគិរី ។
លោក ហ៊ីង ផានសុគន្ធា ប្រធានមន្ទីរពេទ្យបង្អែកខេត្តរតនគិរី បានប្រាប់អ្នកយកព័ត៌មានថា នៅថ្ងៃទី២៣ ខែកុម្ភៈនេះដែរថា ស្រីរងគ្រោះបានស្លាប់ បន្ទាប់ពីបញ្ជូនមកដល់មន្ទីរពេទ្យបង្អែកខេត្តកន្លះម៉ោង ។ ហើយសពជនរងគ្រោះត្រូវបានក្រុមគ្រួសារដឹកចេញពីមន្ទីរពេទ្យយកទៅធ្វើបុណ្យតាមប្រពៃណី ។ ចំណែកកូនភ្លោះទាំង២ភេទប្រុសទាំង២ត្រូវបានសាច់ញាតិយកទៅចិញ្ចឹមហើយ ។
បើតាមប្រភពបានឱ្យដឹងថា មុនពេលកើតហេតុ នារីរងគ្រោះបានមកលេងផ្ទះឪពុកម្តាយ នៅស្រុកវើនសៃ គាប់ជួនពេលនោះ នាងក៏បានឈឺពោះសម្រាលកូន ហើយស្វាមីរបស់នាងបានបញ្ជូននាងទៅមណ្ឌលសុខភាពវរៈជ័យ ក្បែរនោះ ។ នាងក៏សម្រាលបានកូនភ្លោះ២នាក់ តែអកុសលពេលនោះ នាងបានហូរឈាមធ្លាក់ខ្លាំងពេក សាច់ញាតិក៏ដឹកបញ្ជូននាងបន្តមកសង្គ្រោះនៅមន្ទីរពេទ្យបង្អែកខេត្ត គួរឱ្យសោកស្តាយបំផុតនាងបានបាត់បង់ជីវិត នៅក្រោយពេលសង្គ្រោះបានកន្លះម៉ោង ។
សូមបញ្ជាក់ថា នៅមន្ទីពេទ្យបង្អែកខេត្តរតនគិរីនេះធ្លាប់មានអ្នកជំងឺ និងអ្នកសម្រាលកូនស្លាប់ញឹកញាប់ណាស់ ប្រធានមន្ទីរទេទ្យក៏ដូចជាក្រសួងសុខាភិបាលហាក់ដូចជា ពុំសូវចាប់អរម្មណ៍សោះលើបញ្ហានេះគឺតែងតែជួបបញ្ហាដដែលៗ ៕
ចែករំលែកព័តមាននេះ