ផ្លែម្ទេស
តាមការស្រាវជ្រាវរបស់អ្នកវិទ្យាសាស្ដ្របានបង្ហាញថា ផ្លែម្ទេសមានសារប្រយោជន៍ច្រើន ដែលយើងមិនអាចស្មានដល់ដូចជា ជួយការពារជំងឺមហារីក និងជំងឺរ៉ាំរ៉ៃ ជួយព្យាបាលអាការក្អក និងផ្ដាសាយ ។ អ្នកឯកទេសបានពិសោធឃើញទៀតថា មនុស្សដែលមានទម្លាប់ទទួលទានម្ទេសទុំក្នុងរយៈពេលយូរអង្វែង អាចពង្រឹងសមត្ថភាពក្នុងការប្រឆាំងនឹងភាពចាស់ជរាបាន ។
រំដេងស្រុក
រំដេងស្រុក ជារុក្ខជាតិប្រភេទស្មៅម្យា៉ងដែលគេប្រើមើមរបស់វាធ្វើជាគ្រឿងផ្សំសម្រាប់ស្លបបរិភោគ (ជាពិសេសម្ហូបខ្មែរ) ។ មិនតែប៉ុណ្ណោះ វាអាចប្រើជាឱសថព្យាបាលរោគមួយចំនួនដូចជា ៖
-ព្យាបាលភ្លឺ និងប្រភេទផ្សិតលើស្បែក ៖ ប្រើមើមរំដេងស្រស់ហាន់បុកត្រាំស្រាខ្លាំងទុកមួយយប់ រួចយកមកលាបលើស្បែក
-ព្យាបាលជំងឺហើមពោះ ទល់ខ្យល់ និងចុកឆ្អល់ពោះ ៖ ប្រើមើមរំដេងស្រស់៥ក្រាម ឬមើមរំដេងស្ងួត២ក្រាម បុកឱ្យល្អិតឆុងជាមួយទឹកក្ដៅសម្រាប់ផឹក ។
ម្លូ
ម្លូជាប្រភេទរុក្ខជាតិវារតោង មានអាយុរស់បានយូរឆ្នាំ ។ ស្លឹករបស់វាមានក្លិនពិសេសដោយឡែក រសជាតិចត់ និងហឹរតិចៗ ។ ក្រៅពីប្រើសម្រាប់ស្ដ្រីចាស់ៗហូបទំពាលេង គេអាចប្រើប្រាក់ស្លឹកធ្វើជាឱសថសម្រាប់ព្យាបាលរោគមួយចំនួនដូចជា ៖
-កម រមាស់ រលាក សត្វទិច ឬខាំ ៖ យកស្លឹកម្លូស្រស់បុកបុកបំពោក ឬពូតយកទឹកលាប
-ព្យាបាលហើមពោះ គ្មានកម្លាំងនោម ៖ ប្រើស្លឹកម្លូស្រស់បុកឱ្យល្អិតលាយស្រាបន្តិច រួចលាយបំពោក រឺតតិចៗលើពោះ និងក្រោមផ្ចិត
-ព្យាបាលឈឺ.ក ពងមាត់ បៀមពេលឈឺអញ្ចាញធ្មេញ លាងភ្នែក ៖ យកស្លឹកម្លូស្ងោរយកទឹកបៀម ខ្ពុរមាត់ និងលាងភ្នែក ៕
ចែករំលែកព័តមាននេះ