រាជធានីភ្នំពេញ ៖ កម្លាំងអន្តរាគមន៍ខណ្ឌជ្រោយចង្វារល្បាតនៅម្តុំមាត់ទន្លេក្បែរនឹងស្ថានីយ៍បូមទឹក ក៏ប្រទះឃើញជនសង្ស័យ២ជិះម៉ូតូម៉ាក SL ពណ៌ទឹកប្រាក់ គួរឲ្យសង្ស័យបានហៅត្រួតពិនិត្យត្រូវជនសង្ស័យបើកម៉ូតូរត់ចូលក្នុងដីឡូត៍ក្បែរគល់ស្ពានជ្រោយចង្វារចាស់ ក៏ត្រូវប្រជពលរដ្ឋចាប់ប្រគល់ឲ្យសមត្ថកិច្ចយកទៅសួរនាំកាលពីវេលាម៉ោង១និង៣០នាទីរំលងអាធ្រាត្រឈានចូលថ្ងៃទី១៩ ខែមេសានេះ តាមបណ្តោយផ្លូវជាតិលេខ៦…
រាជធានីភ្នំពេញ ៖ កម្លាំងអន្តរាគមន៍ខណ្ឌជ្រោយចង្វារល្បាតនៅម្តុំមាត់ទន្លេក្បែរនឹងស្ថានីយ៍បូមទឹក ក៏ប្រទះឃើញជនសង្ស័យ២ជិះម៉ូតូម៉ាក SL ពណ៌ទឹកប្រាក់ គួរឲ្យសង្ស័យបានហៅត្រួតពិនិត្យត្រូវជនសង្ស័យបើកម៉ូតូរត់ចូលក្នុងដីឡូត៍ក្បែរគល់ស្ពានជ្រោយចង្វារចាស់ ក៏ត្រូវប្រជពលរដ្ឋចាប់ប្រគល់ឲ្យសមត្ថកិច្ចយកទៅសួរនាំកាលពីវេលាម៉ោង១និង៣០នាទីរំលងអាធ្រាត្រឈានចូលថ្ងៃទី១៩ ខែមេសានេះ តាមបណ្តោយផ្លូវជាតិលេខ៦ នៅចំណុចដីឡូត៍មួយកន្លែង ដាំផ្កាក្បែរនឹងគល់ស្ពានជ្រោយចង្វារចាស់ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ។
ជនសង្ស័យទី១- ឈ្មោះអារី ភេទប្រុស អាយុ១៨ឆ្នាំ មុខរបរសន្តិសុខឯកជន ស្នាក់នៅម្តុំទួលគោក សង្កាត់បឹងកក់២ ខណ្ឌទួលគោក និងទី២- ឈ្មោះ សុខ ធារ៉ា ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅសង្កាត់ភ្នំពេញថ្មី ខណ្ឌសែនសុខ ។
តាមប្រភពព័ត៌មានពីសមត្ថកិច្ចផ្នែកអន្តរាគមន៍បានឲ្យដឹងថា មុនពេលកើតហេតុកម្លាំងអន្តរាគមន៍បានធ្វើការល្បាតនៅក្នុងមូលដ្ឋានទប់ស្កាត់រាល់បទល្មើសកុំឲ្យកើតមាននៅក្នុងមូលដ្ឋាន ដោយសារ តែបងប្អូនប្រជាពលរដ្ឋទើបតែវិលមកពីចូលឆ្នាំប្រពៃណីខ្មែរវិញ ខណៈពេលល្បាតមកដល់ផ្លូវមាត់ទន្លេក្បែរនឹងស្ថានីយ៍បូមទឹក ក៏បានប្រទះឃើញជនសង្ស័យ២នាក់ រួមនឹងម៉ូតូមួយគ្រឿងម៉ាកSL ពណ៌ទឹកប្រាក់ មើលទៅគួរឲ្យសង្ស័យដូចជាមុខសញ្ញាចាស់កាច់.កម៉ូតូពីមុនក៏សុំត្រួតពិនិត្យ ស្រាប់តែភ្លាមៗនោះជនសង្ស័យ២នាក់នោះក៏បើកម៉ូតូរត់គេចខ្លួន ហើយត្រូវបានកម្លាំងអន្តរាគមន៍ខណ្ឌជ្រោយចង្វារដេញតាមទៅដល់ដីឡូត៍កន្លែងដាំសួនផ្កាក្បែរនឹងគល់ស្ពានជ្រោយចង្វារចាស់ រួចជនសង្ស័យបានទុកម៉ូតូចោល ហើយរត់ចូលក្នុងព្រៃបាត់ ។
ក្រោយពេលកើតហេតុសមត្ថកិច្ចនាំគ្នាស្រាវជ្រាវរុករកអស់រយៈពេលជិតកន្លះម៉ោងអត់ឃើញក៏នាំគ្នាដកកម្លាំងចេញមកវិញ ស្រាប់តែមានប្រជាពលរដ្ឋម្នាក់រត់មកប្រាប់ថា ឃើញជនសង្ស័យ២នាក់ផ្លោះចេញពីរបងឃ្លាំងមួយកន្លែងបានឃាត់ប្រគល់ឲ្យសមត្ថកិច្ចយកទៅសួរនាំ ។
ក្រោយពេលដែលសួរនាំរួចជនសង្ស័យក៏ឆ្លើយសារភាពប្រាប់សមត្ថកិច្ចថា ខ្លួនមិនមែនជាចោរចាក់.កម៉ូតូនោះទេ គ្រាន់តែពីមុនធ្លាប់ជាប់ពន្ធធានាគារព្រៃអស់រយៈពេលេជិត២ឆ្នាំ រឿងជួញដូរថ្នាំញៀន ។
ក្រោយពេលកើតហេតុជនសង្ស័យទាំង២នាក់ត្រូវបានសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វាររង់ចាំព្រឹកស្អែកចាំសួរនាំជាបន្តទៀត ៕
ចែករំលែកព័តមាននេះ