ក្រោយឈ្នះ Ballon d’Or កីឡាករ Ronaldo បោះសម្តីឡើងឡូយ
តាមប្រភពព័ត៌មាន Goal បានឲ្យដឹងថា កីឡាករជើងខ្លាំង Cristiano Ronaldo បានលើកខ្លួនឯងថា ជាកីឡាករបាល់ទាត់ល្អផ្តាច់គេក្នុងប្រវតិ្តសាស្ត្រ ហើយខ្លាំងជាង Messi…
តាមប្រភពព័ត៌មាន Goal បានឲ្យដឹងថា កីឡាករជើងខ្លាំង Cristiano Ronaldo បានលើកខ្លួនឯងថា ជាកីឡាករបាល់ទាត់ល្អផ្តាច់គេក្នុងប្រវតិ្តសាស្ត្រ ហើយខ្លាំងជាង Messi…
តាមប្រភពព័ត៌មាន Goal បានឲ្យដឹងថា កីឡាករជើងខ្លាំង Cristiano Ronaldo បានលើកខ្លួនឯងថា ជាកីឡាករបាល់ទាត់ល្អផ្តាច់គេក្នុងប្រវតិ្តសាស្ត្រ ហើយខ្លាំងជាង Messi និង Neymar ទៅទៀត ។ នេះគឺជាសម្តីរបស់ Ronaldo ក្រោយពេលឈ្នះពាន Ballon d’Or លើកទី៥ កាលពីថ្ងៃទី៨ ។
Ronaldo និយាយប្រាប់ទស្សនាវដ្តី France Football ដែលជាអ្នករៀបចំកម្មវិធីនេះឡើងថា «ខ្ញុំគឺជាកីឡាករល្អជាងគេក្នុងប្រវត្តិសាស្ត្របាល់ទាត់ ទាំងក្នុងកាលៈទេសៈល្អ និងមិនល្អ ។ ខ្ញុំគោរពការស្រឡាញ់ និងចូលចិត្តរបស់អ្នកដទៃ ដែលគាំទ្រកីឡាករផ្សេងទៀត ។ តែខ្ញុំមិនដែលឃើញមាននរណាម្នាក់ល្អជាងខ្ញុំឡើយ» ។
គេបានបន្តថា «ខ្ញុំតែងតែគិតដូចនេះជានិច្ច។ គ្មាននរណាគេអាចធ្វើល្អបានដូចខ្ញុំឡើយ។ ខ្ញុំអាចនិយាយបានថា ខ្ញុំជាកីឡាករបាល់ទាត់ ដែលមានភាពពេញលេញ។ ខ្ញុំអាចលេងបានយ៉ាងស្ទាត់ចំពោះជើងទាំងឆ្វេងនិងស្តាំ ល្បឿនរបស់ខ្ញុំគឺកប់ ខ្ញុំមានកម្លាំងពេញ ខ្ញុំខ្លាំងខាងគិតនិងពូកែស៊ុត ហើយក៏ពូកែខាងបញ្ចូនបានឲ្យគេដែរ។ មានអ្នកខ្លះស្រឡាញ់ Messi ឬ Neymar ជាង។ តែខ្ញុំសុំប្រាប់អ្នកចុះថា គ្មាននរណាម្នាក់អាចជាកីឡាករល្អពេញលេញដូចខ្ញុំនោះទេ» ។
ដោយអួតបែបនេះមិនទាន់អស់ Ronaldo បានបន្តទៀតថា «គ្មាននរណាម្នាក់បានទទួលពានច្រើនដូចខ្ញុំនេះទេ ។ ខ្ញុំមិនមែននិយាយត្រឹមតែពាន Ballon d’Or ឡើយ ។ នេះមិនមែនដោយសារតែ ខ្ញុំខំប្រឹងប្រែងហាត់ខ្លាំងក្លានោះទេ ។ ដូចជា Mayweather និង LeBron គឺសុទ្ធតែមិនមែនជោគជ័យដោយចៃដន្យនោះឡើយ ។ វាមានចំណុចច្រើនដែលបូកផ្សំគ្នាធ្វើឲ្យយើងជោគជ័យ» ៕
ចែករំលែកព័តមាននេះ