ក្រសួងកសិកម្មបានកំពុងប្រមូលធាតុចូលទៅក្នុងសេចក្តីព្រាងច្បាប់ ស្តីពី «សភាកសិឧស្សាហកម្មកម្ពុជា» ធ្វើយ៉ាងណាឲ្យ សេចក្តីព្រាងច្បាប់នេះមានលក្ខណសុគតភាព ពេញលេញ គ្រប់ជ្រុងជ្រោយ និងអាចទទួលយកបានពីគ្រប់ភាគីពាក់ព័ន្ធ សំដៅបម្រើផលប្រយោជន៍ដ៏ជាក់លាក់ដល់ក្រុមហ៊ុន សមាគម…
ក្រសួងកសិកម្មបានកំពុងប្រមូលធាតុចូលទៅក្នុងសេចក្តីព្រាងច្បាប់ ស្តីពី «សភាកសិឧស្សាហកម្មកម្ពុជា» ធ្វើយ៉ាងណាឲ្យ សេចក្តីព្រាងច្បាប់នេះមានលក្ខណសុគតភាព ពេញលេញ គ្រប់ជ្រុងជ្រោយ និងអាចទទួលយកបានពីគ្រប់ភាគីពាក់ព័ន្ធ សំដៅបម្រើផលប្រយោជន៍ដ៏ជាក់លាក់ដល់ក្រុមហ៊ុន សមាគម សហគ្រិន សហព័ន្ធសហភាព សហគមន៍កសិកម្ម ជាដើម។
បើតាមក្រសួង សេចក្តីព្រាងច្បាប់នេះ អាចចាត់ទុកបានថា ជាវិធានការគន្លឹះ និងចាំបាច់មួយសម្រាប់ដោះស្រាយបញ្ហាប្រឈមឲ្យ បានសមស្រប ទាន់ពេលវេលា និងមានប្រសិទ្ធភាព ស្របតាមទស្សនវិស័យរបស់រាជរដ្ឋាភិបាលក្នុងការធ្វើកំណែទម្រង់ស៊ីជម្រៅដើម្បីជំរុញកំណើនសេដ្ឋកិច្ច ដែលបានដាក់ចេញកន្លងមក ហើយពិតណាស់យន្តការដោះស្រាយបញ្ហានេះ សមស្របតាមបរិបទនៃវិបត្តិជំងឺឆ្លងកូវីដ-១៩ ដែលសមាជិកសភាកសិឧស្សាហកម្មត្រូវច្បាមយកកាលានុវត្តភាពនេះ ធ្វើជាឱកាសមាសសម្រាប់ធ្វើការអភិវឌ្ឍខ្សែច្រវ៉ាក់ផលិតកម្មកសិកម្ម ការធ្វើអាជីវកម្មរបស់ខ្លួនឲ្យកាន់តែរីកចម្រើន បង្កើតការងារ បង្កើនប្រាក់ចំណូលក្នុងគ្រួសារកសិករ និងទ្រទ្រង់ខឿងសេដ្ឋកិច្ចជាតិ។
លោក វេង សាខុន រដ្ឋមន្ត្រីក្រសួងសកិកម្ម បានដឹកនាំកិច្ចប្រជុំបន្ទាន់មួយដើម្បីពិភាក្សា សុំយោបល់ និងផ្តល់ធាតុចូលសំខាន់ៗលើសេចក្តីព្រាងច្បាប់ខាងលើនេះ កាលពីថ្ងៃទី១៨ ខែធ្នូ ឆ្នាំ២០២០ ដោយមានតំណាងក្រុមហ៊ុន សមាគម សហគ្រិន សហព័ន្ធ សហភាពសហគមន៍ដែលប្រតិបត្តិការលើវិស័យកសិកម្ម និងកសិឧស្សាហកម្ម ជាច្រើនរូបទៀត។
សូមជម្រាបថាគេបានដឹងថា វិស័យកម្ពុជានៅកម្ពុជាបានជួបបញ្ហាជាច្រើននៅក្នុងនោះមានបច្ចេកទេសដាំដុះ បញ្ហាទុន ទឹក ទីផ្សារ និងវត្ថុធាតុដើមក្នុងការដាំដុះ ចិញ្ចឹមសត្វ មានដូចជាជី ចំណីសត្វជាដើម៕
ចែករំលែកព័តមាននេះ