ករណីឆ្លងថ្មីកើនឡើងគួរឱ្យកត់សម្គាល់នៅអាមេរិក ខណៈរដូវរងារមកដល់
អាមេរិក ៖ តាមប្រភពព័ត៌មាន Reuters បានឱ្យដឹងថា គិតត្រឹមតែថ្ងៃសៅរ៍មួយគត់ រដ្ឋចំនួន៤ ដែលរួមមាន រដ្ឋ Kentucky…
អាមេរិក ៖ តាមប្រភពព័ត៌មាន Reuters បានឱ្យដឹងថា គិតត្រឹមតែថ្ងៃសៅរ៍មួយគត់ រដ្ឋចំនួន៤ ដែលរួមមាន រដ្ឋ Kentucky…
អាមេរិក ៖ តាមប្រភពព័ត៌មាន Reuters បានឱ្យដឹងថា គិតត្រឹមតែថ្ងៃសៅរ៍មួយគត់ រដ្ឋចំនួន៤ ដែលរួមមាន រដ្ឋ Kentucky រដ្ឋ Minnesota រដ្ឋ Montana និង រដ្ឋ Wisconsin បានឃើញការកើនឡើងនូវករណីថ្មីជិត ៤៩,០០០នាក់ ត្រូវបានរាយការណ៍ថា មានការឆ្លងថ្មីនៅទូទាំងប្រទេស ដែលជាចំនួនខ្ពស់បំផុតសម្រាប់ថ្ងៃសៅរ៍ ក្នុងរយៈពេល៧សប្តាហ៍។ នេះបើយោងតាមអ្នកវិភាគរបស់ Reuters។
ជាមួយគ្នានេះដែរ រដ្ឋ Kansas រដ្ឋ Nebraska រដ្ឋ New Hampshire រដ្ឋ South Dakota និង រដ្ឋ Wyoming ក៏ឃើញមានការកើនឡើងករណីឆ្លងថ្មីដែរក្នុងកំឡុងពេលសប្តាហ៍មុន។
ញូវយ៉ក គឺជារដ្ឋមួយ ក្នុងចំណោមរដ្ឋចំនួន១៨ ដែលករណីឆ្លងមិនបានកើនឡើងខ្លាំង ក្នុងរយៈពេលពីរសប្តាហ៍កន្លងមក។ នេះបើយោងតាមការវិភាគរបស់ទីភ្នាក់ងារព័ត៌មាន Reuters។
ទោះយ៉ាងណា អភិបាលក្រុងញូវយ៉ក លោក Bill de Blasio បាននិយាយកាលពីថ្ងៃអាទិត្យថា លោកនឹងបិទអាជីវកម្មដែលមិនចាំបាច់ ក៏ដូចជាសាលារៀននៅសង្កាត់ចំនួន៩ ដោយចាប់ផ្តើមពីថ្ងៃពុធ។ ការចាក់សោរនឹងតម្រូវឱ្យមានការយល់ព្រមពីអភិបាល។
អ្នកជំនាញផ្នែកសុខភាពបានព្រមានជាយូរមកហើយថា សីតុណ្ហភាពត្រជាក់ដែលជម្រុញឱ្យមនុស្សមិនចេញត្រូវខ្យល់អាកាស ជម្រុញឱ្យមានការរីករាលដាលនៃវីរុស។
គួរបញ្ជាក់ផងដែរថា រដ្ឋ North Dakota រដ្ឋ South Dakota និង Wisconsin មានករណីឆ្លងកូវីដថ្មីគិតជាដង់ស៊ីតេច្រើនជាងគេក្នុងប្រទេសនាពេលនេះ៕ ដកស្រង់ចេញពីវេបសាយ ៖ reuters
ចែករំលែកព័តមាននេះ